وصفة غداء خفيف

هلا عزيزتي

انا اذا راجعه من الدوام وزوجي خاطره بغدا من يدي
اسوي صالونه بكرات اللحم مع رز ماجي

طريقه الرز سهله
اجيب رز وغسله
ومكعبين ماجي
وبصل
قليل من البهار المخلوط
قليل من اجينو موتو
زيت

اخذ البصل وحمره مع الزيت لين يصير لونه بني اضيف الرز وعليه البهار واجينو موتو ومكعبين ماجي وقليل ماء نفس الكبسه واخليه يتسكر

اخذ كور اللحم واقليها وسوي الصلصه بصل وطماط وخضر مثلجه اذا تحبين وليمون اسود المهم وحط ماي مع معجون الطماط وخليه يطبخ واذا خلصت من قلي كور اللحم اضيفها علي المرق وخليها تطبخ لين تتسكر

وقدمها مع شرائح الطماط والخيار والبصل

تري في التطبيق ما تاخذ منج وقت طويل ولا تحتاج تذويب او تنظيف

اتمني اني قدمت لج طبقي البسيط وان شاء الله بعد بدور لج كم طريقه

ربي يعطيج العافيه